بۇگىندە تاعدىردىڭ جازۋىمەن تەمىر توردىڭ ار جاعىندا كۇنەلتىپ جاتقاندار از ەمەس. ولاردى قوعامعا بەيىمدەۋ, تالاپ پەن ءتارتىپ ارقىلى تۋرا جولعا شاقىرۋ باستى مىندەت. وسى ورايدا جامبىل وبلىسىنىڭ پروكۋرورى ي.يمانوۆ پەن جامبىل وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ باستىعى, ادىلەت پولكوۆنيگى م.سماعۇلوۆ, «قازاقستان رەسپۋبليكاسىنىڭ كەيبىر زاڭنامالىق اكتىلەرىنە, قىلمىستىق, قىلمىستىق پروتسەسستىك زاڭنامالاردى جانە قۇقىق قورعاۋ, سونداي-اق ارنايى مەملەكەتتىك ورگانداردىڭ قىزمەتتىك جەتىلدىرۋ تۋرالى» قازاقستان رەسپۋبليكاسىنىڭ زاڭىنا سايكەس, وبلىس بويىنشا قىلمىستىق-اتقارۋ جۇيەسى دەپارتامەنتىنە قاراستى جد-158/7 مەكەمەسىندە جازاسىن وتەۋشى ازاماتتاردى جەكە سۇراقتارمەن قابىلداپ, ولاردىڭ تۇرمىستىق جاعدايلارىنا نازار اۋداردى.
سونىمەن قاتار, جاڭا زاڭ بويىنشا تۇسىندىرمە جۇمىستارىن جۇرگىزدى. ولارعا مەكەمەنىڭ ىشكى ءتارتىپ ەرەجەسىنىڭ قاتاڭ ساقتالۋىنا جانە تىيىم سالىنعان زاتتاردى پايدالاۋعا رۇقسات ەتىلمەۋى جونىندە ەسكەرىتىلىپ, رەجيمدى ساقتاۋ تالاپ ەتىلدى.
بۇگىنگى تاڭدا, جامبىل وبلىسى بويىنشا قىلمىستىق-اتقارۋ جۇيەسىنە قاراستى جد-158/7 مەكەمەسىنە اتالعان زاڭ بويىنشا 37 سوتتالعان ازامات تۇسكەن. سونىمەن قاتار, 30 ءىس-قۇجاتتار سوتقا جولدانىپ, وسى باعىت بويىنشا مەكەمە باسشىلىعىمەن جۇمىستار جۇرگىزىلۋدە.
حاميت ەسامان,
«ەگەمەن قازاقستان»
جامبىل وبلىسى